Sapney

Mana ki sapney sunhaney hote hai
Par zindegi yeh mera koi sapna toh nahi
Chandni jo faillaye raat bhar dharti mein
Woh chand mera koi apna to nahi.

Rehne do us chand ko mere
Sitaron ke aangan mein
Main bhala kyun mangu use
Apne khali daman mein

Aachal hai choti meri
Samet naa usko payegi
Khwabo ke galion se guzarkar
Jaab hakikat se takrayegi

Hum to chandni raaton mein
Baas usko dekha karenge
Tanhayi mein kabhi baithe bhaithe
Sapney sajaya karenge

Sapney agar hai khoobsurat itni
Toh woh bhala ek jhoot hi sahi
Do pal ki agar yeh khusi de dil ko
Toh mujhe nindh se kabhi jagana nahi

Zindegi ka yeh silsila
Jab shaam ko dhal jayega
Laakh bulayo tum is dil ko
Yeh lout ke fir naa aayega

Yaad karoge ki kabhi ek
Shayera hua karti thi
Joh kamoshi mein kahi door se
Wafaa nibhaya karti thi